Algengar spurningar

25.11.2015

Hvenær fæ ég greitt? Getið þið millifært strax inn á reikning minn?

Ríkiseignir sjá ekki um beinar greiðslur. Fjársýsla ríkisins sér um það og gefur sér að jafnaði 20-30 daga frá dagsetningu reiknings þar til reikningur er greiddur. Sjá nánar hér.  

Hvar nálgast ég útboðsgögn verkframkvæmda?

Til þess að fá send útboðsgögn í verkframkvæmdi með áætlaðan kostnað undir 50 m.kr. þarf verktaki að vera skráður í rammasamningi Ríkiskaupa. Hægt er að nálgast upplýsingar um rammasamning iðnaðarmanna á heimasíðu Ríkiskaupa  http://www.rikiskaup.is/rammasamningar/ . Öll útboðsgögn verkframkvæmda með áætlaðan kostnað yfir 50 m.kr. eru í umsjón Ríkiskaupa og hægt er að fá frekari upplýsingar um fyrir huguð útboð á   http://www.rikiskaup.is/utbod/i-auglysingu.

Eru allar ríkiseignir í ykkar umsjá?

Ríkiseignir hafa umsjá með ríflega 300 byggingum og 600 jörðum, landspildum og lóðum í eigu ríkisins. Hluti ríkiseigna er samt ennþá í umsjá ráðuneyta og annarra ríkisstofnana.

Eruð þið með byggingar til sölu eða leigu?

Ríkiskaup sjá alfarið um kaup og sölu á byggingum í eigu ríkisins. Sjá:   http://www.rikiskaup.is

Upplýsingar varðandi leigu á húsnæði í umsjón Ríkiseigna er svarað á  rikiseignir@rikiseignir.is.

Eruð þið með jarðir til sölu, ábúðar eða leigu?

Allar jarðir og landspildur sem eru lausar til ráðstöfunar eru auglýstar hjá Ríkiseignum. Best er að senda fyrirspurn til okkar eftir nánari upplýsingum.

Reglur um ráðstöfun jarða í eigu ríkisins eru eftirfarandi: Ríkisjörðum á forræði Ríkiseigna sem losna úr ábúð eða útleigu skal að jafnaði ráðstafað til ábúðar eða útleigu með leigusamningum, þannig að best samræmist markmiðum um búsetu og landbúnað. Auglýsa skal jarðir í Bændablaðinu og a.m.k. einu útbreiddu dagblaði auk heimasíðu. Í auglýsingu eftir umsóknum áhugasamra um ábúð ríkisjarða eða útleigu landspildna, skal öllum landsmönnum veittur kostur á umsókn.

Sé tekin ákvörðun um sölu á ríkisjörð, þ.m.t. landspildum í ríkiseigu, á frjálsum markaði, sbr. 1. mgr. 38. gr. jarðalaga, nr. 81/2004, skal fela Ríkiskaupum að annast auglýsingar og leita tilboða. Auglýsa skal ríkisjarðir til sölu í dagblöðum (s.s. Bændablaðinu) og á heimasíðu Ríkiskaupa. Fyrir sölu skal leita eftir lagaheimild Alþingis til að selja ríkisjarðir við gerð fjárlagafrumvarps ár hvert. Í auglýsingum um sölu ríkisjarða skal leitað verðtilboða.

Sjá: http://www.rikiskaup.is

Er hægt að fá upplýsingar um hvaða jarðir eru í eigu ríkisins?

Ríkiseignir hafa umsjón með stórum hluta af jörðum í eigu Ríkisjóðs Íslands. Hægt er að sjá allar jarðir í eigu Ríkisjóðs Íslands inn á kortavefsjá hér á síðunni. Þar er gerður greinarmunur á milli jarða í umsjón Ríkiseigna (áður Jarðeigna ríkisins) og jarða sem aðrar stofnanir ríkisins hafa umsjón með. Þær stofnanir geta verið Skógrækt ríkisins, Landgræðsla ríkisins, háskólar ríkisins eða aðrar ríkisstofnanir.