Í september síðastliðnum komu til landsins sérfræðingar frá Oidtmann fyrirtækinu í Linnich í Þýskalandi til að hreinsa og gera við mosaíkverk Gerðar Helgadóttur.

Vörðufell ehf. er að ljúka við endurnýjun á eldhúsi, matsal, röntgendeild og rannsóknadeild hjá Heilbrigðisstofnun Suðurlands á Selfossi. Efla ehf. sá um fortúttekt sem fór fram þriðjudaginn 12. desember 2017 en framkvæmdin hefur staðið yfir frá áramótum 2016/2017, þó með hléum yfir sumarið.

Unnið hefur verið að því að bæta aðgengi fatlaðra í Þjóðleikhúsinu og verður ný lyfta tekin í gagnið í janúar 2017 sem á að koma til móts við það. Knekti ehf. og Íslandslyftur ehf. hafa séð um framkvæmdirnar sem hafa staðið yfir allt árið 2017. 

Nú standa yfir talsvert miklar endurbætur á Tollhúsinu við Tryggvagötu. Verkið, felur í sér að skipta um þakefni yfir annarri hæð sem og á því svæði þar sem Geirsgatan átti að liggja yfir vöruskemmu Tollstjóraembættisins. 

Gerður hefur verið samningur við Raftákn til að setja upp hússtjórnakerfi fyrir Fjölbrautaskóla Suðurnesja. Auðveldar það talsvert húsvörðunum að fylgjast betur með orkunotkun húsnæðisins.

Öll loftræstikerfi verða tengd inn á hússtjórnakerfið í fyrsta áfanga ásamt heitavatns inntaki.

Gerðar voru breytingar og endurbætur í kjallara elsta hluta heilbrigðisstofnunarinnar við vörumóttöku, útbúin var aðstaða fyrir flokkun á sorpi til endurvinnslu og förgunar, ásamt geymslu fyrir hreinlætisvörur í aflögðum kæli- og frystigeymslum.