Örútboð 316– Skúlagata 4 - rif innanhúss

Örútboð 316 – Þjónusta iðnmeistara

Númer: 316

05. nóv. 2020 14:00

Örútboð nr. 316 innan rammasamnings 21201 – Þjónusta iðnmeistara

Ríkiseignir óska eftir iðnmeisturum til að taka þátt í örútboði vegna breytinga innanhúss að Skúlagötu 4.

Um er að ræða rif innanhúss á Skúlagötu 4, 101 Reykjavík. Húsið sem um ræðir er sex hæða bygging teiknuð af Halldóri H. Jónssyni árið 1961. Árið 1965 var byggður fjögurra hæða kálfur sunnan megin við bygginguna. Í 1. áfanga er fyrirhugað að hreinsa allt út á 2. og 3. hæð hússins, alls um 2000 m2 og valin svæði á fyrstu hæð alls um 400m2. Verkið nær til niðurrifs á eftirfarandi liðum, ásamt öllu því tilheyrandi, flokka efni og farga á viðurkenndan hátt.

Eftirtaldir byggingarhlutar skulu fjarlægðir:

· léttir innveggir

· léttir kerfisveggir

· innréttingar, hurðir og innigluggar

· gólfflísar og gólfdúkar

· niðurhengd loft og kerfisloft

· vatns- og raflagnir

· kælikerfi og kæligeymslur

Bjóðendum er boðið til vettvangsskoðunar að Skúlagötu 4, fimmtudaginn 29. okt. 2020 Kl. 13:00.

Verklok eru 15. jan. 2021

Þeir rammasamningshafar sem hafa áhuga á að fá send gögn og taka þátt í örútboðinu eru beðnir um að senda póst á utbod@rikiseignir.is

Tilboð verða opnuð hjá Ríkiseignum, Borgartúni 7a, 105 Reykjavík, 5. nóv. 2020 kl. 14.00.